عزيزة بقلم احمد فؤاد نجم

سلمى يا عزيزة على

محمود الأستاذ
فنان اليوم و المستقبل

بنتي السنيورة الأمورة
على فكرة بترقص ممتاز
ارقصي يا عزيزة ما تنكسفيش
محمود بقى منا خلاص و لا فيش
يا عزيزة النيزة كوا النيزه
كان ممكن تطلعي مركيزة
المطيباتية : تكي تم تكي تم تكي تم تم تم
الرقص النقص
يزيح الهم
تكي تم تكي تم تكي تم تم تم
و يمشي الحال
و يجري الدم
تكي تم تكي تم تكي تم تم تم
****
: على فكره يا كابتن محمود
و برغم الكبت الموجود
انا راجل متحرر
و عزيزة بتلعب ع العود
إلعبي يا عزيزة ما تنكسفيش
محمود بقى منا خلاص و لا فيش
يا عزيزة النيزه كوا النيزه
كان لازم تطلعي مركيزه

المطيباتية : ترى لم ترى لم ترى لم لم لم
العود النود
بيزيح الهم
ترى لم ترى لم ترى لم لم لم
و يخلي القعدة
شهية يا عم
ترى لم ترى لم ترى لم لم لم
: أنا رأيي يا سيد محمود
و برغم الصمت المقصود
انك فنان المستقبل
و نشيد العصر المنشود
قربي يا عزيزة من الاستاذ

محمود بقى منا خلاص و لا فيش
قربي يا عزيزة ما تتأخريش
يا عزيزة النيزة
كوا النيزة
انا رأيي
إنك مركيزة
المطيباتية : هلا لم هلا لم هلا لم لم لم
محمود النود
بقى نازل
هم
هلا لم هلا لم هلا لم لم لم
و عزيزة
النيزة
تحب الهم